• АҬЕЛ:
  • +7 (940) 910-39-06

RUS  |  ABH

АЖӘАБЖЬҚӘА

Ажәабжьқәа

Вторник, 05 Май 2020 00:53

ААУ аҿы асоциалтә усура

Иахьа ахәыҷқәеи аҭаацәарақәеи рсоциалтә цхырааразы амаҵзураҿы аус зуа раԥхьатәи асоциалтә усзуҩцәа аҵара дырҵаразы Аԥсныҟа иааԥхьан егьырҭ атәылақәа рҟынтәи идыру аеқспертцәа. Урҭ иахьагьы амаҵзура аметодологиатә цхыраара азыҟарҵоит. Аха асоциалтә усура, профессиак аҳасабала, еиԥҟьарада еизҳаларц азы, хымԥада иаҭахуп аҭыԥангьы уи аганахьала  аҵара аизырҳара. Убри азы 2017 шықәсазы ахәыҷқәеи аҭаацәарақәеи рсоциалтә цхырааразы амаҵзура анаԥҵаз, аамҭакала  ИУНИСЕФ Аҟәатәи аофис  Аԥснытәи ауниверситет аҿы ихацнаркит ахәыҷқәеи урҭ рҭаацәеи ирызку асоциалтә усуразы аҵаратә курс аартра.

Уи азыҳәан:

  • Ауниверситет астандартқәа ирықәыршәаны аус адулан Аԥсны раԥхьатәи асоциалтә усзуҩцәа разыҟаҵаразы ихымԥадатәу апрограмма;
  • Арҵаҩцәа алархәны имҩаԥган азыҟаҵаратә усура;
  • Асоциалтә усура иазку акурс қәҿиарала ихацыркын Аԥсуа университет аҿы  2017-2018-тәи аҵара шықәсазы;
  • Аԥсуа университет ахадара иҟанаҵаз аӡбарала, 2019 шықәса инаркны ари аҵаратә курс еснагьтәи шьаҭала иалаҵан аԥсихологиатәи  апедагогикатәи факультетқәа рҿы аҵара зҵо астудентцәа рпрограмма;
  •  Апрактика знапы алаку асоциалтә усуҩцәа – асоциалтә маҵзура аусзуҩцәа – ауниверситет аҿы иҟоу акурсқәа аханатә аахыс ирыцхраауеит, астудентцәа рԥышәа рымардоит асастә леқциақәа рформат ала,  иара убасгьы  астудентцәа рзы амаҵзураҿы имҩаԥыргоит аԥхынтә практика.

Узеигәырӷьаша фактуп Аԥсуа университет аҿы асоциалтә усура иазкны раԥхьатәи акурс иалгаз гәыԥҩык анаҩс ахәыҷқәеи аҭаацәарақәеи рсоциалтә цхырааразы амаҵзураҿы аусура иахьалагаз – ақалақь  Аҟәеи,  Очамчыратәи, Гәылрыԥшьтәи, Гагратәи уҳәа Аԥсны  араионқәа рҿы. 

Instagram